سعودی عرب:’10 اکتوبر سے۔۔۔۔۔۔۔۔۔۔۔’ مسافروں کیلئے بڑا اعلان

ریاض: سعودی ریلوے ‘سار’ نے اعلان کیا ہے کہ 10 اکتوبر سے کورونا ویکسین یافتہ مسافروں کو ہی ٹرین میں سفر کرنے کی اجازت ہوگی۔

عرب میڈیا کی رپورٹ کے مطابق سار کا کہنا ہے کہ اتوار 10 اکتوبر صبح چھے بجے سے ایسے کسی شخص کو جس نے کورونا ویکسین کی دونوں خوراکیں نہ لی ہوں گی ریلوے اسٹیشن میں داخل ہونے نہیں دیا جائے گا۔

ایسے مسافروں کو سفر بھی کرنے کی اجازت نہیں دی جائے گی۔ سعودی ریلوے نے واضح کردیا کہ پابندی ریلوے کے شمال مشرق اور حرمین ایکسپریس تینوں روٹس پر عائد ہوگی۔

سار نے کہا ہے کہ جو شخص بھی ریلوے سمیت کسی بھی پبلک ٹرانسپورٹ کے وسیلے سے سفر کرنا چاہے گا اسے ثابت کرنا ہوگا کہ وہ ویکسین کی دونوں خوراکیں لے چکا ہے۔

خیال رہے کہ سعودی عرب کے آن لائن پلیٹ فارم توکلنا سسٹم میں جن لوگوں کو دو خوراکوں سے استثنی حاصل ہے ان زمروں کو ریلوے سمیت پبلک ٹرانسپورٹ سے سفر کے سلسلے میں استثنی رہے گا۔

The post سعودی عرب:’10 اکتوبر سے۔۔۔۔۔۔۔۔۔۔۔’ مسافروں کیلئے بڑا اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3oDMeGt