امریکی نائب وزیرخارجہ آج 2روزہ دورے پر پاکستان پہنچ رہی ہیں

اسلام آباد : امریکی نائب وزیرخارجہ وینڈی شرمن آج پاکستان پہنچیں گی ،  دورے  میں  امریکی نائب وزیرخارجہ پاکستان کی سول وفوجی قیادت سے ملاقاتیں کریں گی۔

تفصیلات کے مطابق امریکی نائب وزیرخارجہ آج 2روزہ دورےپرپاکستان پہنچ رہی ہیں، وینڈی شرمن4ملکی دورےکےآخری مرحلےمیں پاکستان پہنچیں گی۔

ذرائع کا کہنا ہے کہ دورے کے دوران امریکی نائب وزیرخارجہ پاکستان کی سول وفوجی قیادت سے ملاقاتیں کریں گی جبکہ وینڈی شرمن دورہ پاکستان کے بعد و سوئٹزرلینڈ،ازبکستان اوربھارت بھی جائیں گی۔

امریکی وفد کے استقبال کے لیے وزارت خارجہ نے ایوی ایشن ڈویژن کو مراسلہ جاری کیا گیا تھا ، جس میں کہا تھا کہ امریکی وفد کی جسمانی تلاشی نہ لی جائے، امریکی نائب وزیر خارجہ کے وفد کی تصاویر بھی نہ بنائی جائیں۔

مراسلے میں کہا گیا تھا کہ امریکی وفد کی آمد اور روانگی کے موقع پر اسٹیٹ لاؤنج مختص کیا جائے، امریکی وفد کی آمد پر پی سی آر ٹیسٹ سے بھی استثنیٰ دیا جائے۔

مراسلے کے مطابق وزارت خارجہ اور امریکی سفارتخانے کے 5، 5 افراد کو انٹری پاس دیا جائے۔

خیال رہے اگست میں آرمی چیف جنرل قمر جاوید باجوہ سے رابطے میں امریکی وزیر دفاع لائیڈ آسٹن نے پاک امریکا بہتر تعلقات اور مشترکہ مفاد کیلئے تعاون میں دلچسپی کا اظہار کیا تھا۔

ترجمان پینٹاگون کا کہنا تھا کہ امریکی وزیر دفاع نے پاک امریکا تعلقات کی اہمیت پر زور دیا اور مشترکہ مقاصد کے حصول کے لیے مل کر کام کرنے کی خواہش کا اظہار کیا تھا۔

The post امریکی نائب وزیرخارجہ آج 2روزہ دورے پر پاکستان پہنچ رہی ہیں appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/305BIgQ