سی ٹی ڈی اور دہشت گردوں میں فائرنگ کا تبادلہ، کالعدم تنظیم کے3 دہشت گرد مارے گئے

ساہیوال : کاؤنٹر ٹیررازم ڈیپارٹمنٹ (سی ٹی ڈی) نے فائرنگ کے تبادلہ میں کالعدم تنظیم کے تین دہشت گردوں کو ہلاک کرکے دستی بم اوراسلحہ برآمد کرلیا۔

تفصیلات کے مطابق صوبہ پنجاب کے شہر ساہیوال میں سی ٹی ڈی اور دہشت گردوں میں فائرنگ کا تبادلہ ہوا، فائرنگ کے تبادلے میں کالعدم تنظیم کے تین دہشت گرد ہلاک ہوگئے۔

ترجمان سی ٹی ڈی نے بتایا کہ ہلاک دہشت گردوں سے دستی بم اور اسلحہ برآمد کرلیا گیا ہے ، گرفتاردہشت گرد عمر دراز کو نشاندہی کے لیے لے جا رہے تھے کہ دہشت گرد کے ساتھیوں نے وین پر فائرنگ کردی۔

ترجمان کا کہنا تھا کہ ہلاک ملزمان دہشت گردی کے مختلف مقدمات میں مطلوب تھے۔

اس سے قبل کاؤنٹر ٹیررازم ڈیپارٹمنٹ نے پنجاب میں تخریب کاری کا بڑا منصوبہ ناکام بناتے ہوئے کالعدم تنظیم کےتین مبینہ دہشت گردوں کو ہلاک کردیا تھا۔

ترجمان کا کہنا تھا کہ دہشت گردوں کے ٹھکانے سے بڑی مقدارمیں اسلحہ اور دھماکہ خیز مواد برآمد کرلیا گیا ہے تاہم 4 سے 5 دہشت گرد اندھیرے کا فائدہ اٹھا کر فرار ہوگئے۔

سی ٹی ڈی کے ترجمان کے مطابق ہلاک ملزمان یوم عاشور پر بہاولنگرمیں دہشتگردی سمیت مختلف مقدمات میں مطلوب تھے۔

The post سی ٹی ڈی اور دہشت گردوں میں فائرنگ کا تبادلہ، کالعدم تنظیم کے3 دہشت گرد مارے گئے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3FJ59Wo