یورپی یونین میں جی ایس پی پلس اسٹیٹس سے متعلق نظرثانی ، پاکستان نے بڑا فیصلہ کرلیا

اسلام آباد : پاکستان نے یورپی یونین میں جی ایس پی پلس اسٹیٹس سے متعلق نظرثانی کے معاملے پر یورپی ارکان پارلیمنٹ کو اعتماد میں لینے کا فیصلہ کرلیا۔

تفصیلات کے مطابق یورپی یونین میں پاکستان کیلئے جی ایس پی پلس اسٹیٹس سے متعلق نظرثانی کے معاملے پر پاکستان نے یورپی ارکان پارلیمنٹ کو اعتماد میں لینے کا فیصلہ کرلیا۔

اس سلسلے میں یورپی پارلیمنٹ کے نائب صدر کی دعوت پر گورنرپنجاب چوہدری سرور یورپ روانہ ہوگئے ، ذرائع کا کہنا ہے کہ وزیر اعظم نےگورنر پنجاب کوجی ایس پی پلس پراہم ٹاسک سونپا ہے۔

دورے کے دوران گورنرپنجاب یورپی یونین کے نائب صدرسےملاقات کریں گے جبکہ مانٹیر نگ کمیشن یورپی یونین اور اراکین پارلیمنٹ سےبھی ملیں گے۔

چوہدری سرور نے کہا کہ جی ایس پی پلس اسٹیٹس سے 24ارب ڈالرکا فائدہ ہوچکا ہے، پاکستان دشمنوں قوتوں کے عزائم کو ناکا م بنایا جائےگا اور جی ایس پی پلس اسٹیٹس میں توسیع کامعاملہ حل ہوجائے گا۔

ان کا کہنا تھا کہ پاکستان افغانستان ہی نہیں دنیا میں امن کی بات کررہا ہے،بھارت کے جھوٹ کو سچ ثابت کر نے کے عزائم کو ناکام بنایا جائے گا۔

The post یورپی یونین میں جی ایس پی پلس اسٹیٹس سے متعلق نظرثانی ، پاکستان نے بڑا فیصلہ کرلیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3Fyo8CW