پابندی ختم! خلیجی ملک سے مسافروں کیلئے بڑی خوشخبری، پی آئی اے کا فلائٹ آپریشن بحال

کراچی: کویتی حکام کی خودساختہ پابندی کے خاتمے کے بعد قومی ایئرلائن (پی آئی اے) نے کویت کے لیے فلائٹ آپریشن کا دوبارہ آغاز کردیا ہے۔

پاکستان انٹرنیشنل ایئرلائن فلائٹ آپریشن کا آغاز ہفتہ وار 2پروازوں سے کررہی ہے۔ پاکستانی جہازوں اور پائلٹس پر کویت نے خود ساختہ پابندی لگا رکھی تھی، پابندی کے باعث پی آئی اے کی پروازیں کویت نہیں جا سکتی تھیں۔

دوسری جانب کویتی ائیرلائن آزادانہ پاکستان پرواز کر رہی تھی تاہم اب پی آئی اے نے دوبارہ اپنی پروازیں کویت کے لیے بحال کردی ہیں۔

سی ای او قومی ایئرلائن ارشد ملک نے وزیرہوابازی، سیکریٹری ایوی ایشن اور حکام کا خصوصی شکریہ ادا کیا۔

ان کا کہنا تھا کہ وزارت خارجہ، پاکستانی اور کویتی سفیر کی کاوشوں سے آپریشن میں مدد ملی۔ پی آئی اے جانفشانی سے پاکستانیوں کی مدد میں مشغول رہے گی۔

خیال رہے کہ پی آئی اے کی جانب سے پابندی کا معاملہ پہلے سفارتی سطحوں پر بھی اٹھایا گیا تھا مگر اجازت نہ ملی بعد ازاں استحصالی رویہ کی نشاندہی پر وزیر ہوابازی نے کویت ائیرلائن کو بھی روکنے کی حکم صادر کیا تھا۔

حکومت پاکستان اور سول ایوایشن کے دباؤ پر قومی ائیرلائن کو بھی کویت آپریشن کی اجازت مل گئی۔

The post پابندی ختم! خلیجی ملک سے مسافروں کیلئے بڑی خوشخبری، پی آئی اے کا فلائٹ آپریشن بحال appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3DcWucq