میتھیں معاہدہ : پاک امریکا بات چیت کا دروازہ کھل گیا

گلاسگو : پاکستان میتھیں معاہدہ کرنے والا پہلا ایشیائی ملک بن گیا، میتھین معاہدہ پر امریکی صدر نے وزیر اعظم عمران خان کا شکریہ ادا کیا۔

تفصیلات کے مطابق پاکستانی وزارت موسمیاتی تبدیلی نے پاک امریکا بات چیت کا دروازہ کھول دیا ، گلاسگو میں امریکی صدر جوبائیڈن سےمعاون خصوصی ماحولیات ملک امین اسلم کی ملاقات ہوئی‌۔

ذرائع کا کہنا ہے کہ صدر جوبائیڈن سے ملک امین اسلم کی ملاقات گلاسگو کانفرنس میں ہوئی، ملاقات میں فوکس موسمیاتی خطرات تبدیلی کےاثرات اورمیتھین پررہا اور موسمیاتی تبدیلی کےشعبےمیں پاک امریکا اشتراک کو آگے بڑھانے کا عزم کیا گیا، وزیر اعظم عمران خان کا ذکربھی ہوا۔

A pleasure to interact with @POTUS at @COP26 who thanked @ImranKhanPTI for #Pakistan being the first Asian country to join the #GlobalMethanePledge along with 100 over countries pic.twitter.com/g3dHv68maX

— Malik Amin Aslam (@aminattock) November 2, 2021

موسمیاتی تبدیلی کی عالمی کانفرنس میں 100سے زائدممالک کا میتھیں گروپ معاہدہ ہوا ، پاکستان میتھیں معاہدہ کرنےوالا پہلا ایشیائی ملک بن گیا اور معاہدے پر دستخط کردیئے۔

ملاقات میں امریکی صدرنے پاکستان کی موسمیاتی تبدیلی کی پالیسیوں کی تعریف کرتے ہوئے میتھین معاہدہ پر وزیر اعظم عمران خان کا شکریہ ادا کیا۔

رپورٹ کے مطابق پاکستان میں ایک چوتھائی فضائی آلودگی کاپھیلاو میتھین کی وجہ سے ہے، امریکہ، برطانیہ،ارجنٹائن، کینیڈا،میکسیکو،انڈونیشیا،جاپان گروپ کاحصہ ہیں۔

میتھین آب وہواگرم اور تبدیل کرنے میں کاربن ڈائی آکسائیڈ سے زیادہ طاقتور ہوتی ہے جبکہ آئل اینڈگیس،لائیواسٹاک اورمخصوصی زراعت کے باعث میتھین آلودگی پیداہوتی ہے، روایتی ڈرلنگ آپریشن ،گیس کے کنویں,گیس پائپ لائنز بھی بڑی وجوہات ہیں۔

The post میتھیں معاہدہ : پاک امریکا بات چیت کا دروازہ کھل گیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3BGP9B0