کراچی کے روڈ بند کرنے کیخلاف درخواست : عدالت نے فیصلہ محفوظ کرلیا

کراچی : سندھ ہائی کورٹ میں کراچی کے روڈ بند کرنے کے خلاف درخواست پر سماعت ہوئی دلائل سننے کے  بعد کے بعد عدالت نے فیصلہ محفوظ کرلیا۔

تفصیلات کے مطابق آواری ٹاور اور میٹرو پول ہوٹل روڈ بند کرنے کے خلاف درخواست پر سماعت ہوئی اس موقع پر سندھ ہائی کورٹ کے جج نے وکلاء کے دلائل سننے کے بعد فیصلہ محفوظ کرلیا۔

عدالت میں سماعت کے موقع پر درخواست گزار نے مؤقف اختیار کیا کہ مذکورہ روڈ بند کرنے سے عوام کوفائدے کے بجائے تکلیف کا سامنا کرنا پڑرہا ہے، اس کا سد باب کیا جائے۔

ٹریفک پولیس کے نمائندے کا کہنا تھا کہ ڈپٹی کمشنر جنوب نے روڈ بند کرنے کا نوٹی فکیشن جاری کیا تھا، ٹریفک پولیس نے صرف نوٹی فکیشن پر عمل درآمد کیا ہے۔

ڈپٹی کمشنر نے جواب دیا کہ ٹریفک بیورو کی سفارش پر ایک طرف کا روڈ بند کرنے کا نوٹی فکیشن جاری کیا گیا، سگنل پر پرائم ٹائم میں روڈ کھولنے سے ٹریفک جام ہوجاتا ہے، عوام کو سہولت دینے کے لئے ہی ایک طرف کا روڈ بند کیا گیا ہے۔

The post کراچی کے روڈ بند کرنے کیخلاف درخواست : عدالت نے فیصلہ محفوظ کرلیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3EEFdtx