فیصل آباد میں کار کی ٹکر سے 24 سالہ لڑکی جاں بحق

فیصل آباد: کینال روڈ پر کار کی ٹکرسے 24 سالہ لڑکی جاں بحق ہوگئی، تاہم حادثے کا مرتکب ڈرائیور موقع سے فرار ہوگیا۔

تفصیلات کے مطابق پنجاب کے شہر فیصل آباد کے کینال روڈ پر کار کی ٹکر سے 24سال کی لڑکی جاں بحق ہوگئی ، پولیس کا کہنا ہے کہ نارووال کی رہائشی مقامی شاپنگ مال میں ملازمت کرتی تھی ، لڑکی ڈیوٹی کے بعدگھرجانے کے لئے سڑک عبورکررہی تھی کہ تیز رفتارکار کی زدمیں آگئی۔

پولیس کے مطابق حادثے کا مرتکب ڈرائیور موقع سے فرار ہوگیا جبکہ ضابطے کی کارروائی کیلئے لڑکی کی لاش کو الائیڈ اسپتال منتقل کردیا گیا ہے۔

یاد رے گذشتہ ماہ لاہور میں کلمہ چوک کے قریب تیز رفتار کار کی ٹکر سے موٹرسائیکل سوار جاں بحق ہوگیا تھا ، پولیس کا کہنا تھا کہ فردو س مارکیٹ کے قریب تیز رفتار کار نے موٹرسائیکل کو ٹکر ماری تھی۔

The post فیصل آباد میں کار کی ٹکر سے 24 سالہ لڑکی جاں بحق appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3Dji9j0