ملیر جعفرطیار میں ٹارگٹ کلنگ، ایک زخمی

کراچی : شہر قائد میں ٹارگٹ کلنگ کا سلسلہ پھر شروع ہوگیا، ملیر جعفرطیار میں فائرنگ میں ایک شخص زخمی ہوگیا۔

تفصیلات کے مطابق شہر قائد جرائم پیشہ پھر بے قابو ہونے لگے، کراچی کے علاقے ملیر جعفرطیار میں فائرنگ کا واقعہ پیش آیا جس میں ایک شخص زخمی ہوا۔

ابتدائی تفتیش میں واقعے کو ڈکیتی مزاحمت پر فائرنگ کا واقعہ قرار دیا جارہا تھا تاہم یہ ٹارگٹ کلنگ کی واردات نکلی۔

واقعے کی سی سی ٹی وی فوٹیج اے آر وائی نیوز نے حاصل کرلی، فوٹیج میں ملزمان کو 50 سالہ قمر رضا پر فائرنگ کرتے دیکھا جاسکتا ہے۔

ویڈیو میں دیکھا جاسکتا ہے کہ گلی کے کنارے کھڑے شخص کو دو موٹرسائیکلوں پر سوار چار حملہ آوروں نے نشانہ بنایا۔

ملزمان کی فائرنگ سے زخمی قمر رضا کی حالت انتہائی تشویشناک ہے جنہیں فوری طور پر اسپتال منتقل کردیا گیا تھا۔

پولیس کا کہنا ہے کہ جائے وقوع سے ملنے والا خول تحویل میں لے لیا ہے، واقعے کی تحقیقات جاری ہیں۔

The post ملیر جعفرطیار میں ٹارگٹ کلنگ، ایک زخمی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3qnKu33