موبائل کی دکان میں چوری کی بڑی واردات، ویڈیو سامنے آگئی

لاہور کے علاقے اقبال ٹاؤن میں موبائل فون کی دکان میں چوری کی واردات کی ویڈیو منظرعام پر آگئی۔

اے آر وائی نیوز کے مطابق لاہور کے علاقے اقبال ٹاؤن میں موبائل فون کی دکان میں چوری کی واردت ہوئی، ملزمان کروڑ روپے مالیت کے موبائل فون اور نقدی چرا کر فرار ہوگئے۔

ذرائع کے مطابق ملزمان نے دکان سے 80 لاکھ روپے نقدی اور تقریباً ایک کروڑ مالیت کے 46 موبائل فونز چوری کیے۔

سی سی ٹی وی فوٹیج میں دیکھا جاسکتا ہے کہ تین چور پہلے دکان کے باہر ریکی کرتے رہے۔

ویڈیو میں دیکھا جاسکتا ہے کہ چوری دکان کے تالے توڑ کر اندر داخل ہوئے، ملزمان کو دکان کا صفایا کرتے اور فرار ہوتے بھی دیکھا جاسکتا ہے۔

پولیس نے متاثرہ دکاندار کی درخواست پر مقدمہ درج کرکے واقعے کی تحقیقات کا آغاز کردیا۔

The post موبائل کی دکان میں چوری کی بڑی واردات، ویڈیو سامنے آگئی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3pCrqPF