شارجہ : کنسٹرکشن ورکرز میں گرم کپڑوں سے بھر 500 سے زائد بیگز تقسیم

شارجہ حکام نے کنسٹرکشن کمپنیز کے ملازمین کو گرم ملبوسات اور سردی سے بچانے والی دیگر اشیاء بطور تحفہ فراہم کردیں۔

عرب میڈیا کے مطابق پانچ سو سے زائد گرم ملبوسات اور دیگر اشیاء کےبیگز شارجہ کی لیبر اسٹینڈرڈ ڈویلپمنٹ اتھارٹی کی جانب سے حاکم شارجہ شیخ سلطان کی ہدایت پر تقسیم کیے گئے۔

لیبر اسٹینڈرڈ ڈویلپمنٹ اتھارٹی نے غیرملکی ملازمین کی خدمات کو سراہتے ہوئے انہیں گرم کپڑوں کا تحفہ دیا۔

اس موقع پر سربراہ یوسف القسیر کا کہنا تھا کہ کنسٹرکشن ملازمین میں گرم کپڑوں کی تقسیم کا مقصد ملازمین کا خیال رکھنا ہے کیوں کہ ہماری ریاست کی تعمیر و ترقی میں دل جمی سے کام کرتے ہیں۔

واضح رہے کہ شارجہ کے حاکم شیخ سلطان القاسمی نے کنسٹرکشن ملازمین کو شہر کی ترقی میں ریڑھ کی ہڈی قرار دیا تھا۔

The post شارجہ : کنسٹرکشن ورکرز میں گرم کپڑوں سے بھر 500 سے زائد بیگز تقسیم appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3fkC6wi