موسم سرما کی تعطیلات میں اضافہ

آزاد کشمیر میں سردی کی شدت میں اضافے کے باعث کشمیری حکومت نے تعلمی اداروں کی تعطیلات میں اضافہ کردیا۔

تفصیلات کے مطابق ملک کے بالائی علاقوں میں برف باری اور بارشوں کے باعث سردی کی شدید لہر جاری ہے جس کے باعث شہریوں کو شدید مشکلات کا سامنا کرنا پڑرہا ہے۔

آزاد کشمیر میں بھی شدید سردی سے نظام زندگی متاثر ہورہا ہے، سردی کی شدت میں اضافے کے باعث حکومت نے تعلیمی اداروں کی تعطیلات میں اضافے کا اعلان کیا ہے۔

حکومتی اعلان کے مطابق تعطیلات میں پانچ روز کا اضافہ کیا گیا ہے جس کے بعد سرکاری و نجی تعلیمی ادارے آٹھ جنوری تک بند رہیں گے۔

خیال رہے کہ کشمیر سمیت ملک بھر میں کل 3 جنوری سے سرکاری و نجی تعلیمی ادارے کھلنے تھے۔

The post موسم سرما کی تعطیلات میں اضافہ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3JAuGmj