ماڑی پور روڈ پر دستی بم پھٹنے سے پولیس اہلکار زخمی

کراچی : ماڑی پور روڈ پر نامعلوم موٹر سائیکل سوار دستی پھینک کر فرار ہوگئے، حملے میں پولیس اہلکار شدید زخمی ہوگیا۔

تفصیلات کے مطابق شرپسندوں کے خلاف متعدد آپریشن کے باوجود شہر قائد میں دہشت گردانہ حملے نہ رُک سکے، کراچی کے علاقے ماڑی پور روڈ پر نامعلوم افراد دستی بم پھینک کر فرار ہوگئے۔

دستی بم حملے میں ایک پولیس اہلکار شدید زخمی ہوا ہے، حملے کے باعث پولیس اہلکار عمران کے ہاتھ اور جسم کے کچھ حصّوں کو نقصان پہنچا ہے۔

اہلکار عمران نے اپنے بیان میں کہا ہے کہ نامعلوم موٹر سائیکل سوارون نے میری جانب دستی بم پھینکا۔

پولیس افسر کا کہنا ہے کہ دستی بم حملے سے متعلق مزید تحقیقات کی جارہی ہے تاحال موٹر سائیکل سواروں سے متعلق کوئی معلومات حاصل نہیں ہوسکی ہیں۔

The post ماڑی پور روڈ پر دستی بم پھٹنے سے پولیس اہلکار زخمی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/32XlKqq