پشاور: کورونا کا پھیلاؤ، شہید بینظیر بھٹو یونیورسٹی بند
پشاور میں کورونا کے بڑھتے ہوئے کیسز کے پیش نظر شہید بے نظیر بھٹو ویمن یونیورسٹی کو تاحکم ثانی بند کردیا گیا ہے۔
شہید بےنظیر بھٹو ویمن یونیورسٹی انتظامیہ کی جانب سے جاری اعلامیے میں کورونا کے بڑھتے کیسز کے باعث یونیورسٹی کو تاحکم ثانی بند کرنے کا فیصلہ کیا گیا ہے۔
اعلامیہ کے مطابق طالبات یونیورسٹی آنے کے بجائے آن لائن کلاسز سے مستفید ہوں گی۔
اعلامیہ میں مزید کہا گیا ہے کہ یونیورسٹی کھلنے کے بعد بھی صرف ویکسینیٹڈ طالبات اور اسٹاف کو یونیورسٹی میں داخلے کی اجازت ہوگی۔
پشاورمیں کورونا پھیلاؤ کےباعث اب تک 4 جامعات کو بند کیا جاچکا ہے۔
واضح رہے کہ ملک بھر میں کورونا کے کیسز میں تشویشناک حد تک اضافہ ہوتا جارہا ہے اور وفاقی دارالحکومت سمیت کئی شہروں میں متعدد تعلیمی ادارے بند کیے جاچکے ہیں۔
مزید پڑھیں: اسلام آباد کے مزید 12 تعلیمی ادارے بند کرنے کا فیصلہ
from پاکستان – ARYNews.tv | Urdu – Har Lamha Bakhabar https://ift.tt/UBwWxO7os
No comments