جرمن فٹبالر کی اہلیہ پر تھائی لینڈ میں قاتلانہ حملہ
عالمی کپ جیتنے والے جرمن فٹبالر میٹس ہملز کی اہلیہ کے ساتھ تھائی لینڈ میں خوفناک حادثہ پیش آگیا۔
جرمن روزنامہ بِلڈ سے گفتگو کرتے ہوئے فٹبالر میٹس ہملز کی اہلیہ کیتھی ہملز نے بتایا کہ میرے ساتھ لوٹ مار کا واقعہ پیش آیا، ٹی وی شو کے بعد سڑک پر چہل قدمی کے دوران ڈاکوؤں نے مجھے لوٹ لیا اور مجھ پر تشدد بھی کیا۔
34 سالہ کیتھی ہملز نے کہا کہ کچھ روز قبل میں ایک بڑی مشکل میں پھنس گئی تھی، مجھ سے لوٹ مار کی گئی، یہ میری زندگی کا بدترین تجربہ ثابت ہوا، مجھے نہیں معلوم تھا کہ میں زندہ بھی رہوں گی یا نہیں، اس کے باوجود میں ڈاکوؤں سے لڑی، ڈاکوؤں نے لوٹ مار کے دوران مجھ پر متعدد بار حملہ کیا۔
View this post on Instagram
کیتھی ہملز نے کہا کہ میں اپنے چاہنے والوں کا شکریہ ادا کرنا چاہوں گی جنہوں نے میرے لیے دعائیں کیں، ڈکیتی کی واردات سے ہٹ کر بات کروں تو مجھے تھائی لینڈ میں بہت مزا آیا۔
تھائی لینڈ پولیس کے ایک سینئر آفیسر نے فیس بک پر بتایا کہ ڈکیتی کی ایک واردات میں جرمن خاتون پر حملہ کیا گیا، ڈاکو خاتون سے آئی فون موبائل چھین کر فرار ہوگئے۔
View this post on Instagram
پولیس آفیسر نے کہا کہ ملزمان کی تلاش کے لیے آپریشن جاری ہے، ان کو سخت سزا دی جائے گی۔
from عالمی خبریں – ARYNews.tv | Urdu – Har Lamha Bakhabar https://ift.tt/MFVTAkZ
No comments