مورو : قومی شاہراہ پر مسافر کوچ الٹ گئی، دو افراد جاں بحق

نوشہرو فیروز : سندھ کے اندرونی شہر مورو میں قومی شاہراہ پر مسافر بس الٹنے کا واقعہ پیش آیا ہے، حادثہ تیز رفتاری کے باعث پیش آیا۔

اس حوالے سے ریسکیو حکام کا کہنا ہے کہ نوشہرہ فیروز کے علاقے مورو میں قومی شاہراہ پر مسافربس الٹ گئی، حادثے کے نتیجے میں خاتون سمیت2مسافرجاں بحق اور10زخمی ہوگئے۔

اطلاع ملتے ہی پولیس اور امدادی ٹیمیں جائے وقوعہ پر پہینچ گئیں اور فوری طور پر ہلاک اور زخمی ہونے والے مسافروں کو قریبی اسپتال منتقل کیا۔

نوشہرہ فیروزمیں حادثے کا شکار ہوانے والی بدقسمت مسافر کوچ کراچی سے فیصل آباد جارہی تھی کہ تیز رفتاری کے ڈرائیور بس پر کنٹرول نہ رکھ سکا۔

from پاکستان – ARYNews.tv | Urdu – Har Lamha Bakhabar https://ift.tt/0w4YEds