قومی اسمبلی اجلاس: متحدہ اپوزیشن کی اراکین کو اہم ہدایات

اسلام آباد: وزیراعظم عمران خان کےخلاف تحریک عدم اعتماد کے معاملے پر متحدہ اپوزیشن نےقومی اسمبلی اجلاس سے متعلق حکمت عملی تیار کرلی۔

ذرائع کے مطابق متحدہ اپوزیشن نے اپنے اراکین کو 10 بجے پہنچنےکی ہدایت کرتے ہوئے کہا ہے کہ اراکین اجلاس سے قبل نشستوں پر بیٹھیں اور ایوان سے باہر نہ جائیں۔

اپوزیشن اراکین کو ایوان میں کسی قسم کا شور نہ کرنےکی ہدایت بھی کی گئی ہے۔ خاموش رہنےکی ہدایت کا مقصد اسپیکر کو اجلاس ملتوی کرنےکاموقع نہ دیناہے۔

قومی اسمبلی کے غیرمعمولی اجلاس سے متعلق ارکان کے لیے اہم ہدایات جاری کر دی گئیں۔ اسمبلی سیکرٹریٹ کی جانب سے جاری ہدایت نامے میں ایم این ایز، وزرا کے سیکورٹی گارڈز اور ذاتی عملے کو ساتھ لانے پر پابندی عائد کی گئی ہے۔

اراکین مخصوص پارکنگ میں گاڑی کھڑی کرنے کے پابندہوں گے اور ایم این ایز کو شٹل سروس کے ذریعے پارلیمنٹ ہاؤس پہنچایا جائے گا۔ قومی اسمبلی سیشن میں مہمانوں کے داخلے پر پابندی ہو گی۔ اجلاس کیلئےسیکورٹی کے خصوصی انتظامات مکمل کرنے کی ہدایت کی گئی ہے۔

from پاکستان – ARYNews.tv | Urdu – Har Lamha Bakhabar https://ift.tt/wVd7Ley