” آصف زرداری ضمیر کا سوداگر ہے”

راولپنڈی: عوامی مسلم لیگ کے سربراہ شیخ رشید کا کہنا ہے کہ ضمیر کے سوداگر آصف زرداری نے سیاسی اورمعاشی بحران خطرناک بنادیا۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ موجود صورت حال میں سپریم کورٹ ہی آخری امید ہے، اس کے بعد صوبے اور مرکز میں عدم اعتماد لانا ہوگا۔

پیپلز پارٹی کے شریک چیئرمین کو ضمیر کا سوداگر قرار دیتے ہوئے شیخ رشید نے کہا کہ آصف زرداری نے سیاسی اور معاشی بحران خطرناک بنا دیا ہے، لوگ ایسی سیاست سے نفرت کا اظہار کرچکے جہاں ارکان اسمبلی کی منڈی لگتی ہے۔

ضمیر کے سوداگر آصف زرداری نے سیاسی اور معاشی بحران خطرناک بنا دیا ہے۔لوگوں کو ایسی سیاست سے نفرت ہے جہاں ممبروں کی خرید وفروخت کی منڈی لگتی ہے۔سپریم کورٹ آخری امید ہے،اس کے بعد مرکز اور صوبے میں عدم اعتماد لانا ہوگا۔ڈالر 250کا ہو گیا تو 10 کروڑ پاکستانی غربت کی لپیٹ میں آجائیں گے

— Sheikh Rashid Ahmed (@ShkhRasheed) July 23, 2022

انہوں نے خبردار کیا کہ موجودہ سیاسی صورت حال کے تناظر میں ڈالر ڈھائی سو روپے کا ہوگیا تو دس کروڑ سے زائد پاکستانی غربت کی لپیٹ میں آجائیں گے۔

انہوں نے مزید کہا کہ لاہور میں سارا کام پلاننگ کے تحت ہوا, ان کی جیت بھی انکی ہار ہے, یہ دو خاندانوں میں لڑائی نواز شریف خاندان کے لیے بھی پیغام ہے۔

شیخ رشید نے کہا کہ اقتدار کے بھوکوں کا جمعہ بازار صرف اپنے کیسوں سے بچنے کے لیے ہے، قوم دیکھ لے کہ نواز شریف اور آصف زرداری ایک ہیں۔

لاہور میں سارا کام پلاننگ کے تحت ہوا ہے ۔ ان کی جیت بھی انکی ہار ہے۔2 خاندانوں میں لڑائی نواز شریف خاندان کے لیے بھی پیغام ہے۔اقتدار کے بھوکوں کا جمعہ بازار صرف اپنے کیسوں سے بچنے کے لیے ہے۔قوم دیکھ لے کہ نواز شریف اور آصف زرداری ایک ہیں اور فضل الرحمن خانہ جنگی کے بیان دے رہا ہے

— Sheikh Rashid Ahmed (@ShkhRasheed) July 23, 2022

واضح رہے کہ گذشتہ روز ڈپٹی اسپیکر پنجاب اسمبلی دوست محمد مزاری نے ق لیگ کے ووٹ مسترد کرکے حمزہ شہباز کو وزیر اعلیٰ‌ پنجاب برقرار رکھنے کا اعلان کیا تھا۔

from پاکستان – ARYNews.tv | Urdu – Har Lamha Bakhabar https://ift.tt/IE6SCLh