خیبرپختونخوا: سرکاری افسران کے ہیلی کاپٹر استعمال کرنے اور مراعات کا بل

خیبرپختونخوا حکومت نے وزرا کی تنخواہ اور مراعات کا ترمیمی بل منگل کو اسمبلی میں پیش کرنےکا فیصلہ کیا ہے۔

ترمیمی بل کے تحت وزیراعلیٰ سرکاری خرچ پر ہیلی کاپٹر یا جہاز پر دوروں کے مجاز ہوں گے۔ وزیراعلیٰ کو جہاز یا ہیلی کاپٹر کرائے پر حاصل کرنےکا اختیاربھی ہو گا۔

مجوزہ بل کے مطابق وزیراعلیٰ کی اجازت سے وزرا یا افسران سرکاری امور کیلئے ہیلی کاپٹر یا جہاز استعمال کرسکیں گے۔

قانون میں ہیلی کاپٹر یا ہوائی جہاز پر سفرکی نئی شق شامل کی گئی ہے۔ وزیراعلیٰ سرکاری کام کیلئے ہیلی کاپٹر اور ہوائی جہاز کا استعمال کر سکیں گے۔

وزیراعلیٰ سرکاری اخراجات پر اوپن مارکیٹ سے ہیلی کاپٹر اور ہوائی جہاز حاصل کرنے کے مجاز ہوں گے جب کہ سرکاری افسر وزیراعلیٰ کی اجازت سے سرکاری خرچ پر ہیلی کاپٹر یا ہوائی جہاز میں سفر کر سکےگا۔

from پاکستان Archives - ARYNews.tv | Urdu - Har Lamha Bakhabar https://ift.tt/GZ5B0tQ