‘ہمیں آپ پر فخر ہے’ بھارت کے خلاف جیت پر آرمی چیف کی قومی ٹیم کو مبارکباد

راولپنڈی : بھارت کے خلاف جیت پر مسلح افواج کی گرین شرٹس کومبارکباد دی ، آرمی چیف نے کہا کہ ٹیم پاکستان ہمیں آپ پر فخرہے۔

تفصیلات کے مطابق ڈی جی آئی ایس پی آر میجر جنرل بابر افتخار نے سماجی رابطے کی ویب سائٹ ٹوئٹر پر بھارت کے خلاف جیت پر مسلح افواج کی جانب سے گرین شرٹس کو مبارکباد دی۔

ڈی جی آئی ایس پی آر کا کہنا تھا کہ آرمی چیف جنرل قمر جاوید باجوہ نے ٹیم کو مبارکباد دیتے ہوئے کہا کہ ٹیم پاکستان ہمیں آپ پر فخر ہے۔

Armed Forces congratulate green shirts for an exciting win against India. “You have made us all proud Team Pakistan”COAS.
Pakistan Zindabad.

— DG ISPR (@OfficialDGISPR) September 4, 2022

دوسری جانب وزیراعظم شہباز شریف نے قوم اور پاکستانی کرکٹ ٹیم کوبھارت کے خلاف فتح پر مبارک باد دیتے ہوئے کہا آپ نے قوم کے دل بھی جیت لئے ہیں، شاباش ٹیم پاکستان۔

سابق صدر آصف علی زرداری نے ٹیم کو مبارکباد دی اور کہا ٹیم نے بھارت کے خلاف شاندار کارکردگی کا مظاہرہ کیا،خوشی کے ان لمحات میں اپنے ہم وطنوں جو بارش اور سیلاب کے متاثرین کی بحالی کو دعا میں یاد رکھا جائے۔

وزیراعلیٰ پنجاب چوہدری پرویز الہٰی نے بھی مبارکباد دیتے ہوئے کہا شاباش ، شاہینو، شاباش، روایتی حریف بھارت سے حساب برابر کر نے پر قومی کرکٹ ٹیم کو دلی مبارکباد دیتا ہوں، قوم کو آپ پر ناز ہے ، سیلاب کی تباہ کاریوں کے بڑے چیلنج سے نبردآزما قوم کے لئے آج کی جیت باعث افتخار ہے۔

from پاکستان – ARYNews.tv | Urdu – Har Lamha Bakhabar https://ift.tt/BTJN32S