رشتہ نہ دینے پر ملزم کا لڑکی اور خاندان کیخلاف ہولناک اقدام

لاہور میں رشتہ نہ دینے پر مشتعل ہوکر ملزم نے نوجوان لڑکی اور مزاحمت کرنے پر اس خاندان پر تیزاب پھینک کر شدید زخمی کردیا۔

پنجاب کے دارالخلافہ لاہور میں تیزاب گردی کا ایک اور واقعہ پیش آیا ہے جہاں رشتہ نہ دینے پر ملزم نے لڑکی اور اس کے خاندان پر تیزاب پھینک دیا ہے۔

اے آر وائی نیوز کے مطابق یہ انسانیت سوز واقعہ شہر لاہور کے علاقے شاہدرہ ٹاؤن میں پیش آیا جہاں ملزم مشتاق مسیح نے رشتہ دینے سے انکار کرنے پر لڑکی پر تیزاب پھینک دیا اس دوران لڑکی کو تیزاب سے بچانے کے لیے آنے والے اس کے ماں، باپ اور بھائی بھی ملزم کی سفاکی کا نشانہ بن گئے اور وہ ان سب پر تیزاب پھینک کر فرار ہوگیا۔

تیزاب سے جھلسنے والے افراد کی چیخ وپکار سن کر اہل علاقہ اکٹھے ہوگئے جب کہ پولیس بھی موقع پر پہنچ گئی، جھلس کر زخمی ہونے والے افراد کو میئو اسپتال منتقل کردیا گیا ہے۔

دوسری جانب پولیس نے ابتدائی تفتیش کرتے ہوئے ملزم کی تلاش شروع کردی ہے۔

from پاکستان Archives - ARYNews.tv | Urdu - Har Lamha Bakhabar https://ift.tt/rK5neVh