’’گرے لسٹ سے نکلنے کا سہرا عمران خان کو جاتا ہے‘‘

لاہور : پنجاب کے وزیر اعلیٰ چوہدری پرویزالٰہی نے کہا ہے کہ گرے لسٹ سے نکلنے کی کامیابی قوم کیلئے بہت بڑی فتح ہے، جس کا سہرا عمران خان کو جاتا ہے۔

اپنے ایک جاری بیان میں ان کا کہنا ہے کہ فیٹف کی گرے لسٹ سے نکلنے پر اللہ تعالیٰ کا شکر بجا لاتے ہیں، اس کامیابی کا سہرا عمران خان اور ان کی ٹیم کو جاتا ہے۔

چوہدری پرویزالٰہی نے کہا کہ آرمی چیف جنرل قمرجاوید باجوہ نے اس کامیابی میں اپنا بھرپور کردار ادا کیا، عمران خان اور جنرل قمرجاوید باجوہ ہی اس کامیابی کے اصل ہیرو ہیں۔

اس کے علاوہ وزیرخزانہ اسحاق ڈار نے اپنے ٹوئٹر پیغام میں کہا ہے کہ ایف اے ٹی ایف کی گرے لسٹ سے نکلنے پر قوم کو مبارک باد پیش کرتا ہوں۔

Heartiest congratulations to the Nation on removal of Pakistan’s name today from the FATF’s “grey list”.
Efforts of the civil-military team under the leadership of PM @CMShehbaz in achieving this goal are highly commendable.
Pakistan Zindabad

— Ishaq Dar (@MIshaqDar50) October 21, 2022

ان کا کہنا ہے کہ اس لسٹ سے نکلنے میں سول اور ملٹری اداروں نے مل کرکام کیا، تمام اداروں نے وزیراعظم شہباز شریف کی لیڈر شپ میں کام کیا۔

پیپلز پارٹی کے رہنما سینیٹر مولا بخش چانڈیو نے کہا کہ پاکستان کا فیٹف گرے لسٹ سے نکلنا بہت بڑی کامیابی ہے، بلاول بھٹو نے کامیاب سفارت کاری سے ملک عالمی تنہائی سے نکالا۔ اب معاشی مشکلات کا بھی آہستہ آہستہ خاتمہ ہونے جارہا ہے۔

مسلم لیگ ضیاء الحق کے سربراہ اعجاز الحق کا کہنا ہے کہ پوری قوم کو مبارکباد کہ پاکستان فیٹف گرے لسٹ سے نکل آیا ہے، آرمی چیف جنرل قمرجاوید باجوہ اور افواج پاکستان کا بھی شکریہ ادا کرتے ہیں۔

from پاکستان Archives - ARYNews.tv | Urdu - Har Lamha Bakhabar https://ift.tt/dkhagsi