ارشد شریف کی شہادت : جوڈیشل کمیشن کی تشکیل کےلیے صدر اور وزیراعظم کو دوبارہ خط

لاہور : سینئر صحافی ارشد شریف کی شہادت پر جوڈیشل کمیشن کی تشکیل کے لیے صدر مملکت ، وزیراعظم اور وزیرخارجہ سمیت دیگر کو دوبارہ خط لکھ دیا گیا۔

تفصیلات کے مطابق ارشد شریف کی شہادت پر جوڈیشل کمیشن تشکیل کے لیے متعلقہ حکام کو دوبارہ خط لکھ دیا گیا۔

صدر پاکستان عارف علوی ، وزیراعظم شہباز شریف ، وزیرخارجہ بلاول بھٹو سمیت دیگر کو خط ارسال کیا گیا ہے ، خط اظہر صدیق ایڈووکیٹ نے ارسال کیا۔

خط میں کہا گیا کہ ارشد شریف کی شہادت کینیا کی حکومت کی ناکامی ہے، ارشد شریف کا معاملہ انٹرنیشنل کورٹ آف جسٹس میں اٹھایا جائے۔

اظہر صدیق ایڈووکیٹ کا کہنا تھا کہ جوڈیشل انکوائری کمیشن سپریم کورٹ یا ہائی کورٹ کے ججز پر مشتمل ہوناچاہیے، اس حوالے سے صدر پاکستان نے وزارت داخلہ اور وزارت قانون کو مراسلہ بھجوا دیا ہے۔

خط کے متن میں کہا کہ بین الاقوامی ماہرین کی رائے شامل کی جائے اور فوری شفاف تحقیقات کے لیے جوڈیشل انکوائری کمیشن تشکیل دیاجائے۔

خط میں مزید کہا گیا کہ اگر فوری طور پر ایکشن نہ لیا گیا تو اعلیٰ عدالتوں سے رجوع کیا جائے گا۔

from پاکستان Archives - ARYNews.tv | Urdu - Har Lamha Bakhabar https://ift.tt/5CJ8GjV