بھارت چین اور پاکستان کی سرحد پر 120 میزائل نصب کرے گا

نئی دہلی: جنگی جنون میں مبتلا بھارت کا ایک اور جارحانہ اقدام سامنے آیا ہے، پڑوسی ملک چین اور پاکستان کے ساتھ اپنی سرحدوں پر 120 ٹیکٹیکل میزائل نصب کرے گا۔

بھارتی خبر رساں ایجنسی کے مطابق وزارت دفاع کے ایک اعلیٰ سطح کے اجلاس میں 120 میزائلوں کی خریداری اور سرحدوں پر اس کی تنصیب کی منظوری دی گئی ہے۔

رپورٹ کے مطابق پرالے میزائل 500 کلومیٹر کی رینج تک ہدف کو نشانہ بنانے کی صلاحیت رکھتے ہیں۔ پرالے میزائل بھارتی فوج کو بارڈر کے نزدیک نصب انفرااسٹرکچر اور فوجی اڈوں کو نشانہ بنانے کی صلاحیت فراہم کرے گا۔

بھارتی میڈیا کا کہنا ہے کہ بھارتی تاریخ میں یہ پہلا موقع ہے کہ حکومت کی جانب سے بیلسٹک میزائلوں کو ٹیکٹیکل آپریشنز میں استعمال کرنے کے لیے کلیئر کیا گیا ہے۔ اس میزائل کا گزشتہ سال دسمبر میں لگاتار دو دنوں میں دو مرتبہ تجربہ کیا گیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/iVEUIt0