منگیتر سے ملنے کی کوشش نوجوان کی جان لے گئی

جوبا: شمالی افریقی ملک سوڈان میں شادی سے چند روز قبل منگیتر سے ملنے آنے والا نوجوان پولیس کی فائرنگ سے جان کی بازی ہار گیا۔

اردو نیوز کے مطابق جنوبی سوڈان میں شادی سے چند روز قبل دلہن سے ملنے کی کوشش نوجوان کو مہنگی پڑ گئی، اہل خانہ نے واردت کے شبہے میں پولیس بلا لی جس کی فائرنگ سے دولہا ہلاک ہوگیا۔

جنوبی سوڈان کے پولیس حکام نے بتایا کہ شادی کی تقریب سے پہلے دولہا نے چوری چھپے آ کر دلہن سے ملنے کی کوشش کی، گھر والوں نے لاعلمی کے باعث شور مچا دیا کہ مویشیوں کے باڑے میں چور چھپے ہوئے ہیں۔

پولیس انسپکٹر کا کہنا تھا کہ سوڈانی نوجوان لڑکی کے اہل خانہ کو مہر کی رقم ادا کر چکا تھا اور وہ رات اپنے دوست کے ہمراہ منگیتر سے ملنے پہنچا تھا۔

دلہن کے بھائی نے گھر کے باہر مویشیوں کے باڑے میں غیر معمولی نقل و حرکت دیکھ کر پولیس کو رپورٹ کی کہ کوئی شخص مویشی چرانے کے لیے گھس آیا ہے۔

پولیس کے آنے پر نوجوان نے فرار ہونے کی کوشش کی تو اہلکار نے چور سمجھ کر اس پر فائرنگ کردی جس سے وہ موقع پر دم توڑ گیا۔

پولیس کے مطابق فائرنگ کرنے والے اہلکار کو گرفتار کر لیا گیا ہے اور اس سے پوچھ گچھ کی جارہی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/KSW6okC