اسرائیلی فورسز کی فائرنگ سے 10 فلسطینی شہید

اسرائیلی فورسز نے مقبوضہ مغربی کنارے میں نام نہاد چھاپہ مار کارروائی کے دوران 10 فلسطینیوں کو شہید کر دیا۔

غیر ملکی میڈیا کے مطابق مقبوضہ مغربی کنارے کے علاقے نابلس میں بدھ کی صبح فوجی اہلکار بھاری ہتھیاروں کے ساتھ آئے اور علاقے کے داخلی و خارجی راستوں کو بلاک کر دیا۔

قابض فوج نے نابلس میں سرچ آپریشن کیا اور اس دوران فائرنگ کر کے 10 فلسطینیوں کو شہید جبکہ تقریباً 102 شہریوں کو زخمی کر دیا۔

فلسطین کی وزارت صحت کے مطابق زخمیوں میں سے چھ کی حالت تشویش ناک ہے۔

قابض فوج نے جاری کردہ ایک بیان میں بتایا کہ فورسز علاقے میں اب بھی موجود ہیں۔ تاہم مزید تفصیلات فراہم نہیں کی گئیں۔

ایک عین شاہد نے بتایا کہ فوجیوں نے اچانک علاقے میں داخل ہو کر معصوم شہریوں کو گولیاں چلا دیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/gWCfB6y