مزید پڑھیں : امریکا کے بعد کینیڈا کے بھی چین کے ساتھ تعلقات کشیدہ ہو گئے

روس اور یوکرین کے درمیان جاری جنگ میں چین کی مدد پر امریکی وزیر خارجہ نے اپنے چینی ہم منصب کو سختی سے متنبہ کردیا۔

اس حوالے سے غیر ملکی خبر رساں ادارے کی رپورٹ کے مطابق امریکی وزیر خارجہ انٹونی بلنکن نے چینی ہم منصب سے کہا ہے کہ وہ یوکرین جنگ میں روس کی مدد کرنے سے باز رہے۔

غیر ملکی خبر ایجنسی کے مطابق میونخ میں جاری بین الاقوامی سلامتی کانفرنس کی سائیڈ لائن پر امریکی وزیر خارجہ اور ان کے چینی ہم منصب وانگ ژی کے درمیان ملاقات ہوئی ہے۔

اس موقع پر سینئر امریکی عہدیدار نے بتایا کہ ملاقات کے دوران امریکی وزیر خارجہ نے تشویش کا اظہار کرتے ہوئے چینی ہم منصب کو یوکرین جنگ میں روس کی مدد کرنے کے نتائج سے آگاہ کیا۔

اس سے قبل امریکی وزیر خارجہ انٹونی بلنکن نے ایک انٹرویو میں کہا تھا کہ ان کے پاس اطلاعات ہیں کہ چین کی جانب سے روس کو اسلحہ و بارودی مواد کی صورت میں مدد فراہم کی جارہی ہے۔

دوسری جانب چینی وزیر خارجہ وانگ ژی نے یوکرین جنگ پر اپنے رد عمل میں مذاکرات کے ذریعے جنگ کے خاتمے پر زور دیتے ہوئے یورپی ممالک کو ٹھنڈے دماغ سے سوچنے کا مشورہ دیا تھا ، انہوں نے کسی کا نام لیے بغیر کہا تھا کہ کچھ قوتیں نہیں چاہتیں کہ مذاکرات کامیاب ہوں یا پھر جنگ جلدی اختتام پذیر ہو۔

مزید پڑھیں : امریکا کے بعد کینیڈا کے بھی چین کے ساتھ تعلقات کشیدہ ہو گئے

واضح رہے کہ بیجنگ اور واشنگٹن کے درمیان امریکی فضائی حدود میں مشتبہ چینی غبارہ مار گرانے کے بعد تعلقات کشیدہ ہوگئے تھے، غبارے کے منظرعام پر آنے کے بعد امریکی وزیرخارجہ انٹونی بلنکن نے بیجنگ کا دورہ منسوخ کردیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/oZmA0ln