ہفتے کو عید منانے کا اعلان کر دیا گیا

آسٹریلیا نے 22 اپریل بہ روز ہفتے کو عیدالفطر منانے کا اعلان کر دیا ہے۔

ماہر فلکیات کی جانب سے جمعہ کو شوال کا چاند نظر نہ آنے کی پیشگوئی کے بعد آسٹریلین فتوٰی کونسل نے ہفتے کو عید منانے کا اعلان کیا ہے۔

فلکیتاتی حسابات کی روشنی میں شوال کا چاند دیکھنے سے قاصر ہونے کے امکانات پر عید کے دنوں اعلان کیا گیا۔

عاجل: مجلس الإفتاء الأسترالي يعلن أن يوم السبت هو يوم عيد الفطر في أستراليا نظرا لتأكيد الحسابات الفلكية عدم إمكانية رؤية الهلال مساء يوم الخميس، وذلك كما ورد في نص البيان. pic.twitter.com/UO0Du5QuaE

— مركز الفلك الدولي (@AstronomyCenter) April 18, 2023

بین الاقوامی فلکیات مرکز نے سماجی رابطے کی ویب سائٹ پر آسٹریلین فتوٰی کونسل کا بیان شیئر کرتے ہوئے لکھا کہ جمعہ کو رمضان المبارک کا مہینہ مکمل ہوجائے گا اور ہفتے کو عید کا پہلا دن ہو گا۔

آسٹریلیا پہلا ملک ہے جس نے باضابطہ طور پر ہفتے کو عید منانے کا اعلان کیا ہے۔

دوسری جانب عرب میڈیا کی رپورٹ کے مطابق جدہ میں فلکیاتی انجمن کے سربراہ انجینئر ماجد ابو زاہرہ نے کہا ہے کہ جمعرات 20 اپریل 29 رمضان المبارک کو چاند سورج غروب ہونے کے 24 منٹ بعد تک مکہ مکرمہ کے آسمان پر دیکھا جاسکے گا۔

انہوں نے کہا کہ ’فلکیاتی حساب سے سعودی عرب میں عید الفطر جمعے کے روز ہونے کا قوی امکان ہے۔‘

ابو زاہرہ کا کہنا ہے کہ جمعرات کو سورج مکہ مکرمہ مین چھ بجکر بیالیس منٹ پر غروب ہوگا اس وقت چاند چار ڈگری کی بلندی پر موجود ہوگا اور 0.2 فیصد تک روشن ہوگا۔

انہوں نے بتایا کہ سورج غروب ہونے کے 24 منٹ بعد یعنی 7 بجکر 6 منٹ پر چاند چھپ جائے گا۔

فلکیاتی انجمن کے سربراہ نے کہا کہ ’29 رمضان کو چاند عام آنکھ یا ٹیلی اسکوپ کے ذریعے نہیں دیکھا جاسکے گا۔ سی سی ڈی کیمرے کی مدد سے چاند کی رویت ممکن ہوگی‘۔

ابو زاہرہ نے کہا کہ’ جمعہ 21 اپریل کو مکہ مکرمہ میں سورج 6 بجکر 43 منٹ پر غروب ہوگا۔چاند اس وقت سولہ ڈگری کی بلندی پر موجود ہوگا‘۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/HokTiyK