اسرائیلی فوج نے فٹبال میچ کے دوران اسٹیڈیم پر دھاوا بول دیا

فلسطین میں قابض اسرائیلی فوج نے فٹبال میچ کے دوران اسٹیڈیم پر دھاوا بول دیا جبکہ مسجد اقصیٰ میں ایک ڈاکٹر کو فائرنگ کر کے شہید کر دیا۔

غیر ملکی میڈیا کی رپورٹس کے مطابق فلسطینیوں کے خلاف اسرائیلی مظالم کا نہ رکنے والا سلسلہ جاری ہے۔ قابض فوج نے فٹبال اسٹیڈیم میں آنسو گیس کے گولے داغے جس سے کھلاڑیوں سمیت متعدد افراد کی حالت غیر ہوگئی۔

دوسری جانب صیہونی فورسز مسجدِ اقصیٰ میں بھی داخل ہوگئی۔ فلسطینیوں کو مسجد میں نماز کی ادائیگی سے روک دیا اور اندھا دھند فائرنگ کی جس سے ڈاکٹر محمد العصیبی شہید ہوگئے۔

عین شاہد نے بتایا کہ ڈاکٹر محمد العصیبی نے اسرائیلی فوج کو مسجد اقصیٰ کے داخلی دروازے پر ایک خاتون کو ہراساں کرنے سے روکا جس پر ایک اہلکار نے انہیں 10 گولیاں مار کر شہید کر دیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/oE7XL9Z