وائٹ ہاؤس کی سیکیورٹی ننھے ایجنٹس سے سنبھال لی

واشنگٹن: امریکی صدر جو بائیڈن کی موجودگی میں وائٹ ہاؤس کی سیکیورٹی جب ننھے ایجنٹس نے سنبھالی تو دیکھنے والے حیرت زدہ رہ گئے۔

امریکی میڈیا رپورٹس کے مطابق جمعرات کو وائٹ ہاؤس میں اپنے بچے کو کام پر لے جانے کا دن تھا، اور صدر جو بائیڈن کو کڈ سیکرٹ سروس ایجنٹوں کی نئی ٹیم کے ساتھ دیکھا گیا۔

دراصل ’ٹیک یوور چائلڈ ٹو ورک ڈے‘ کے موقع پر وائٹ ہاؤس میں کام کرنے والے ملازمین کے بچوں کو وائٹ ہاؤس میں مدعو کیا گیا تھا، اس موقع پر صدر جو بائیڈن کی حفاظت کی ذمے داری بھی ان ننھے منے سیکرٹ ایجنٹوں نے سنبھال لی۔

اس دن کا مقصد بچوں کو عملی کاموں سے روشناس کرانا ہوتا ہے جس کے تحت انھیں مختلف اداروں اور دفاتر کا دورہ کرایا جاتا ہے۔

President Joe Biden took questions at a mock news conference on ‘Take Your Child to Work Day’ at the White House. The kids stumped him when they asked which country was the last one he visited https://t.co/jUi5l7RrS1 pic.twitter.com/QW3aJnkVkI

— Reuters (@Reuters) April 28, 2023

امریکی صدر نے وائٹ ہاؤس میں مدعو کیے گئے بچوں کو مبارک باد دی، اور کہا کہ ہمارا مستقبل بہت روشن ہے، امریکی صدر نے اپنے ناشتے سے لے کر سارے دن کی مصروفیات کے حوالے سے بچوں کے سوالات کے جواب بھی دیے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/biWSq6K