سفاک ڈاکو نے ضعیف خاتون کو زمین پر گرا دیا، دردناک ویڈیو وائرل

بھارتی حیدرآباد کے پرانے شہر میں افسوسناک واقعہ پیش آیا ہے جس میں ایک ڈاکو نے برقعہ پوش ضعیف خاتون کو بھی نہ بخشا۔

بے رحم اور سفاک رہزن نے برقعہ پوش خاتون کے ہاتھ سے اتنی طاقت سے تھیلا چھینا کہ جس کے بعد بزرگ خاتون زمین پر اوندھے منہ گر پڑیں۔

یہ اندوہناک منظر اس گلی میں لگے سی سی ٹی وی کیمرے میں قید ہوگیا جو سوشل میڈیا پر وائرل ہورہا ہے اور صارفین اس واقعے پر دکھ کا اظہار کرتے ہوئے خاتون کیلئے انصاف کا مطالبہ کررہے ہیں۔

Ek Gareeb Bhudi MAA ke Haatho se Saman Lehkar Ek Zaleel Shaqs Bhaggaya

Yeh Waqia Shalibanda Qazipura Ka Hai,Jaha Pe Ek Zaieef Buzruk MAA Ke Haath Meh Se Ek Ibles ki Aulad Samaan Keench kar BhaagGaya

Ramadan Meh Shaitan Qaid Ho Jahteh hai,magar yah Ibleees ki Aulaad ku Dekho pic.twitter.com/bYYpPFqvQq

— Hyderabad Deccan NEWS (@HYDDeccanNEWS) April 20, 2023

بھارتی میڈیا رپورٹ کے مطابق حیدرآباد کے شاہلی بندہ غازی پورہ کے علاقے میں ایک بزرگ خاتون سڑک سے گزر رہی تھی کہ ایک نوجوان کافی دیر سے ان کا پیچھا کررہا تھا۔

ایک جگہ پہنچ کر اس نے واردات کی نیت سے بائیک اسٹارٹ کرکے گلی کے کونے میں کھڑی کردی جس کے بعد وہ بزرگ خاتون کے پیچھے چلتا ہوا آیا اور اچانک خاتون کے ہاتھ میں موجود تھیلا کھینچ لیا، ضعیف خاتون اپنے تھیلے کو مضبوطی سے پکڑے ہوئے تھیں جس کے سبب وہ بھی زمین پر جاگریں۔

ملزم نے زمین پر گری ہوئی ضعیف خاتون کے ہاتھ سے تھیلا چھینا اور بھاگتا ہوا بائیک کے پاس گیا اور فرار ہونے میں کامیاب ہوگیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/kpiq8Tt