سعودی عرب : عمرہ زائرین کیلیے مفت خصوصی سہولت کا اعلان

ریاض : سعودی وزارت حج و عمرہ نے عمرہ زائرین کو ہدایت کی ہے کہ وہ اپنے ویزوں کی مدت میں مفت توسیع کرو سکتے ہیں, یہ ہدایات سوڈانی باشندوں کو خصوصی طور پر جاری کی گئی ہے۔

سبق ویب سائٹ کے مطابق حکومت نے سوڈانی عمرہ زائرین کے ویزوں کی مدت میں توسیع کے علاوہ عمرہ ویزے کو وزٹ ویزے میں تبدیل کرنے کی سہولت دے دی ہے۔

اس حوالے سے وزارت حج و عمرہ نے کہا ہے کہ سوڈان کے خصوصی حالات کے باعث عمرہ زائرین کو یہ سہولت ایک سال کے لیے مفت فراہم کی جارہی ہے۔

وزارت نے کہا ہے کہ سعودی شہری اور اقامہ ہولڈر غیرملکی اپنے کسی بھی سوڈانی عزیز کا عمرہ ویزہ وزٹ ویزے میں تبدیل کراسکتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/kQaVE57