امریکا نے کمیشن سفارشات کے باوجود بھارت کو تشویش ناک ممالک میں شامل نہیں کیا

واشنگٹن: امریکی حکومت نے دنیا میں مذہبی آزادی سے متعلق سالانہ رپورٹ جاری کر دی ہے، تاہم کمیشن سفارشات ہونے کے باوجود امریکا نے بھارت کو تشویش ناک ممالک میں شامل نہیں کیا۔

تفصیلات کے مطابق ترجمان امریکی محکمہ خارجہ ویدانت پٹیل کی پریس کانفرنس کے دوران اے آر وائی نیوز نے سوال کیا کہ بھارت کو مذہبی آزادی کے لیے خطرناک ملکوں میں شامل کیوں نہیں کیا گیا؟

ترجمان امریکی محکمہ خارجہ نے کہا کہ ہم ہر ملک میں مذہبی آزادی کی صورت حال کی بہ غور نگرانی کرتے ہیں، اور ہر حکومت کو ترغیب دیتے ہیں کہ مذہبی آزادی کے تحفظ کے لیے وعدوں کو برقرار رکھے۔

انھوں نے کہا ہم ایسے اقدامات کی حوصلہ افزائی کرتے ہیں جو مذہبی آزادی کے لیے اہم ہوں، اور ایسے اقدامات کی مخالفت کرتے ہیں جو کسی فرد کے عقیدے پر عمل سے روکتے ہوں، ہر ملک پر مذہبی آزادی کے اس حق کی حفاظت کی ذمہ داری عائد ہوتی ہے۔

ترجمان امریکی محکمہ خارجہ سے پاکستان کی سیاسی صورت حال پر بھی سوالات کیے گئے، ترجمان نے کہا کہ ہم پاکستان میں کسی سیاسی جماعت یا کسی خاص امیدوار کا انتخاب نہیں کرتے، مضبوط، مستحکم، اور خوش حال پاکستان امریکا کے مفاد کے لیے اہم ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/yuKFILe