کویت : انٹرنیٹ کی رفتار میں حیرت انگیز اضافہ کرنے کی تیاری

کویت کی کمیونیکیشنز اینڈ انفارمیشن ٹیکنالوجی ریگولیٹری اتھارٹی نے ملک میں شعبہ انٹرنیٹ کی کارکردگی بڑھانے کے لیے اقدامات کا آغاز کردیا ہے۔

اس حوالے سے کویتی ذرائع ابلاغ کا کہنا ہے کہ ’سی آئی ٹی آر اے‘400 ایم بی پی ایس تک کی تیز رفتار انٹرنیٹ کی رفتار کو ریگولیٹ کرنے کا ارادہ رکھتی ہے، جو موجودہ 100 ایم بی پی ایس کی شرح سے کہیں زیادہ ہے۔

ذرائع کا کہنا ہے کہ وزارت مواصلات نے کچھ عرصہ قبل اس نیٹ ورک کی کارکردگی کو بہتر بنانے کیلئے منصوبہ بنایا تھا، جس میں موجودہ رفتار سے 3 گنا تیز رفتاری بھی شامل تھی اور امکان ہے کہ یہ کامیابی اگلے چند مہینوں میں حاصل کرلی جائے گی۔

ذرائع نے بتایا کہ انٹرنیٹ کی رفتار بڑھانے کے ہدف کی شرحیں انفرادی اور کارپوریٹ صارفین کی ضروریات میں ہونے والی تکنیکی تبدیلیوں کے مطابق ہیں، جس سے سروس کے استعمال میں اضافہ ہوا اور اس کی ایپلی کیشنز کو بڑی سطح پر وسعت ملی۔

ذرائع کے مطابق تمام لائسنس یافتہ انٹرنیٹ فراہم کنندگان نے انٹرنیٹ کی رفتار کو دگنا کرنے کی ضرورت کو پورا کرنے کے لیے بھرپور آمادگی ظاہر کی ہے، ان کا کہنا ہے کہ ’سی آئی ٹی آر اے‘ان تمام رکاوٹوں کو دور کرے جو اس کام میں رکاوٹ بن سکتی ہیں۔

یہاں یہ بات قابل ذکر ہے کہ 2021 کے لیے مقرر کردہ قیمتوں کی فہرست کے مطابق، 100 ایم بی پی ایس کی رفتار کی زیادہ سے زیادہ حد 322 دینار سالانہ ہے۔

 

from عالمی خبریں Archives - ARYNews.tv | Urdu - Har Lamha Bakhabar https://ift.tt/gwhmqcW