سعودی عرب: ادویات کی فروخت کے حوالے سے حکام کی اہم ہدایت

ریاض: سعودی حکام کا کہنا ہے کہ ڈاکٹری نسخے کے بغیر کسی کو ایسی ادویات فروخت کرنا جو نشہ آور ہوں، قابل سزا جرم ہے اور اس پر فروخت کنندہ فارماسسٹ کے خلاف کارروائی ہوگی۔

اردو نیوز کے مطابق سعودی پبلک پراسیکیوشن نے کہا ہے کہ نشہ آور اجزا پر مشتمل ادویات نسخے کے بغیر جاری کرنا قابل سزا جرم ہے۔

پبلک پراسیکیوشن نے ٹویٹر پر کہا ہے کہ وہ فارماسسٹ جو ڈاکٹر کے نسخے کے بغیر ایسی ادویات، جن کی تیاری میں مخصوص نشہ آور اجزا شامل ہوتے ہیں، فروخت کرے گا اسے کم از کم 5 سال اور زیادہ سے زیادہ 15 برس قید کی سزا ہوگی۔

پبلک پراسیکیوشن کا یہ بھی کہنا تھا کہ انسداد منشیات کے قانون کی دفعہ 29 اور 38 میں یہ سزا بیان کی گئی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/VLvldPt