بھارت افواج میں خود کشی کے واقعات اکثر جموں و کشمیر میں ہوتے ہیں

بھارتی افواج میں خود کشیاں عروج پر ہیں، ہر تیسرے روز ایک اور سالانہ 100 سے زائد خود کشی کے واقعات پیش آتے ہیں۔

رپورٹس کے مطابق بھارتی افواج میں خود کشیاں بڑھتی جا رہی ہیں، خود کشی کے واقعات اکثر جموں و کشمیر میں ہوتے ہیں، 2001 سے اب تک مختلف واقعات میں 3300 سے زائد بھارتی فوجی خود کشی کر چکے ہیں۔

پچھلے 5 سالوں میں 800 سے زائد بھارتی جوانوں نے افسران کے رویے سے تنگ آ کر خود کشی کی، 23 جنوری 2023 کو کرنل کھنہ نے پنکھے سے لٹک کر خود کشی کر لی تھی، 9 جنوری 2023 کو فیروزپور میں لیفٹیننٹ کرنل نشانت نے بیوی کو گولی مار کر خود کشی کر لی تھی۔

بھارتی افواج میں خواتین افسران بھی خود کشی پر مجبور ہیں، 2006 میں لیفٹیننٹ سشمیتا چکروتی نے بھرتی کے صرف 10 ماہ بعد اپنی جان لے لی تھی، سشمیتا کے مطابق افسران اسے ڈانس پارٹیوں اور ناجائز مطالبات کے لیے مجبور کرتے تھے۔

اکتوبر 2019 کو پُونا میں لیفٹیننٹ کرنل رشمی مشرا نے پھندہ ڈال کر خود کشی کی تھی، دسمبر 2016 میں جموں میں میجر انیتا کماری نے سر پر گولی مار کر زندگی کا خاتمہ کر دیا تھا۔

2007 میں کیپٹن نیہا راوت نے اپنے میجر جنرل لال پر جنسی ہراسگی کا الزام عائد کیا تھا، 2007 سے اب تک بھارتی افواج میں خواتین افسران کے ساتھ زیادتی و جنسی ہراسگی کے 1243 واقعات بھی رپورٹ ہو چکے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/lD1rEAf