مقبوضہ کشمیر کی خصوصی حیثیت کا کیس دبانے کے لیے مودی سرکار کے اوچھے ہتھکنڈے سماعت آج

نئی دہلی: مقبوضہ کشمیر کی خصوصی حیثیت کی ناجائز تنسیخ کے خلاف مقدمے کی سماعت آج ہوگی، ذرائع کا کہنا ہے کہ مودی سرکار کیس کو دبانے کے لیے اوچھے ہتھکنڈے اختیار کر رہی ہے۔

تفصیلات کے مطابق مقبوضہ کشمیر کی تنسیخ کا 5 اگست 2019 کا اقدام سپریم کورٹ میں 28 اگست 2019 میں چیلنج کیا گیا تھا، چیف جسٹس آف انڈیا کی سربراہی میں 5 رکنی بنچ آج اس کیس کی سماعت کرے گا، بنچ کی روزانہ کی بنیاد پر کیس کی سماعت کا امکان ہے۔

آرٹیکل 370 کی تنسیخ غیر آئینی قرار دینے کے لیے پٹیشن بھارتی بیوروکریسی کے حاضر سروس افسر شاہ فیصل نے دائر کی تھی، 4 سال تک ججوں کی ریٹائرمنٹ اور سماعت سے معذرت کی بنا پر بنچ بنتا اور ٹوٹتا رہا۔

کشمیری عوام نے امید ظاہر کی ہے کہ کشمیر ہمیشہ آزاد تھا اور رہے گا، امید ہے سپریم کورٹ مودی سرکار کے اقدام کو کالعدم قرار دے گی، کشمیری سیاست دانوں، علما کرام اور تاجر برادری سمیت کشمیری عوام کی طرف سے کیس کا خیر مقدم کیا جا رہا ہے۔

مودی سرکار اس کیس کو دبانے کے لیے اوچھے ہتھکنڈے اختیار کر رہی ہے، اور درخواست گزار کو ہراساں کیا جانے لگا ہے، ذائع کا کہنا ہے کہ پیٹیشنر پر درخواست واپس لینے یا پیروی نہ کرنے کے لیے شدید دباؤ ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/RYUvtqy