بھارت میں ہونے والا جی 20 سربراہی اجلاس، روسی صدر کی شرکت سے معذرت

روسی صدر ولادیمیر پیوٹن بھارت میں ہونے والے جی 20 ممالک کے سربراہی اجلاس میں شرکت نہیں کریں گے، انہوں نے اجلاس میں شرکت سے معذرت کرلی۔

بین الاقوامی خبر رساں ادارے کی رپورٹ کے مطابق روسی صدارتی محل کریملن کے جارہ کردہ بیان میں کہا گیا ہے کہ روسی صدر پیوٹن جی 20 سربراہی اجلاس میں شرکت کیلئے بھارت نہیں جائیں گے۔

روسی صدارتی محل کریملن کے مطابق وزیر خارجہ سرگئی لارووف جی 20 اجلاس میں روس کی نمائندگی کریں گے۔

قبل ازیں روسی صدرپیوٹن اور بھارتی وزیراعظم نریندرمودی کے درمیان ٹیلیفونک رابطہ بھی ہوا جس میں دوطرفہ تعلقات پر تبادلہ خیال کیا گیا۔

کریملن کے مطابق روسی صدر اور بھارتی وزیر اعظم نے تجارت، توانائی اور خلائی شعبوں میں تعاون بڑھانے پر اتفاق کیا، دونوں رہنماؤں نے برکس کی توسیع اور جی 20 اجلاس پر بھی بات چیت کی۔

واضح رہے کہ بھارت میں جی20ممالک کا سربراہی اجلاس اگلے ماہ نئی دلی میں منعقد ہوگا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/8MwTrzh