چاند پر اترنے کے بعد بھارت سورج کے لیے خلائی مشن روانہ کریگا

بھارتی خلائی ادارے اسرو نے چندریان تھری کی چاند پر لینڈنگ کے بعد سورج کے لیے خلائی مشن بھیجنے کا فیصلہ کیا ہے جس کے تحت دو ستمبر کو آدتیہ ایل ون لانچ کیا جائے گا۔

غیرملکی میڈیا رپورٹس میں انکشاف کیا گیا ہے کہ بھارت کا خلائی ادارہ ’اسرو‘ سورج کا تجزیاتی مطالعہ کرنے کے لیے پہلا سولر مشن دو ستمبر کو روانہ کرے گا جسے سری ہری کوٹا بیس سے خلا میں لانچ کیا جائے گا۔

اسرو کے سربراہ ڈاکٹر ایس سومناتھ کے مطابق آدتیہ ایل ون سیٹلائٹ کو پی ایس ایل وی سے منسلک کیا جاچکا ہے، یہ سولر مشن خلائی مدار میں جانے کے بعد چار ماہ کے اندر اپنے مقررہ مقام تک پہنچے گا۔

PSLV-C57/Aditya-L1 Mission:

The launch of Aditya-L1,
the first space-based Indian observatory to study the Sun , is scheduled for
September 2, 2023, at
11:50 Hrs. IST from Sriharikota.

Citizens are invited to witness the launch from the Launch View Gallery at… pic.twitter.com/bjhM5mZNrx

— ISRO (@isro) August 28, 2023

ڈاکٹر سومناتھ کا کہنا تھا کہ سورج کے بارے میں معلومات حاصل کرنے کے لیے یہ بھارت کا پہلا آبزرویٹری مشن بھی ہوگا، سائنسدان اس سے سورج میں ہونے والی سرگرمیوں اور اس کے موسمی اثرات کا اندازہ لگا پائیں گے۔

بھارتی خلائی تحقیقی ادارے کا مزید کہنا تھا کہ سولر مشن کے ساتھ 7 پے لوڈ بھی خلا میں روانہ کیے جارہے ہیں جو کہ گرم سیارے کا بیرونی طور پر مشاہدہ کریں گے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/h0JsYSg