روس نے یوکرین کا ماسکو پر حملہ ناکام بنا دیا

ماسکو : روس کی سیکورٹی فورسز نے اپنی فضاؤں میں مشکوک ڈرون طیارے کو دیکھتے ہی فوری طور پر کارروائی کرتے ہوئے اسے گرا دیا۔

اس حوالے سے غیرملکی خبر رساں ادارے کی رپورٹ کے مطابق روس کی دفاعی فورسز نے ماسکو کی تحصیل سٹوپینو کی فضاؤں میں ماسکو کی جانب آتے ہوئے ڈرون طیارے کی نشاندہی کرکے اسے زمین پر گرادیا۔

رپورٹ میں بتایا گیا ہے کہ ڈرون طیارے کو ریڈیو الیکٹرانک جنگی آلات کی مدد سے ناکام بنایا گیا ہے، طیارہ قابو سے باہر ہونے کے بعد ایک خالی میدان میں گرگیا جس سے کوئی جانی یا مالی نقصان نہیں ہوا۔

اس حوالے سے وزارت دفاع نے جاری کردہ بیان میں کہا ہے کہ کیف انتظامیہ نے ڈرون طیارے کی مدد سے ماسکو کے مقامی وقت کے مطابق صبح 4 بجے کے قریب ماسکو اور اس کی تنصیبات پر دہشت گردانہ حملے کی کوشش کی ہے جسے ناکام بنا دیا گیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/f58xCLs