فلسطینیوں کو قتل کرنے والے اسرائیلی فوجی ذہنی امراض میں مبتلا ہو گئے

تل ابیب: فلسطینیوں کو قتل کرنے والے اسرائیلی فوجیوں کا ذہنی امراض میں مبتلا ہونے کا انکشاف ہوا ہے۔

تفصیلات کے مطابق فلسطینیوں پر ظلم کرنے والے اسرائیلی فوجی ذہنی امراض میں مبتلا ہونے لگے ہیں، اس سلسلے میں اسرائیلی پارلیمنٹ نے فوجیوں کے لیے ایک پوسٹ ٹراما سیشن منعقد کیا۔

سیشن میں فوجیوں نے بتایا کہ فلسطینیوں پر ظلم کرنے کے بعد انھیں راتوں کو نیند نہیں آتی اور ہر وقت ایک خوف سا چھایا رہتا ہے، دی یروشلم پوسٹ کے مطابق گزشتہ کچھ عرصے میں کئی اسرائیلی فوجی خودکشیاں کر چکے ہیں جس کے بعد اس مسئلے کی طرف توجہ دی گئی۔

رپورٹ میں کہا گیا ہے کہ جو فوجی ذہنی امراض میں مبتلا ہوئے انھیں علاج کی سہولیات بھی فراہم نہیں کی گئیں، بلکہ ان کے نفسیاتی مسائل کو سمجھا ہی نہیں گیا، جس کی وجہ سے وہ خود کشی پر مجبور ہوئے۔

Documentation from this morning shows Israeli soldiers execute a young Palestinian boy in Nur Shams, Tulkarem.

After their initial shots, the Israeli soldiers go after the boy's injured body, and finish him off with a bullet blowing up his head.

Savages.pic.twitter.com/9NDHe8QpYU

— Jalal (@JalalAK_jojo) August 4, 2023

آئی ڈی ایف اہلکار بار کلاف نے وزارت دفاع کو درخواست دی تھی کہ اسے ’معذور فوجی‘ کے طور پر تسلیم کیا جائے، تاہم درخواست مسترد ہونے پر اس ماہ کے شروع میں اس نے خود کو نذر آتش کر دیا، جو اگلے دن چل بسا۔ اگلے ہی دن ایک اور فوجی اورڈونیو نے بھی اسی سبب خود کو مار ڈالا۔

واضح رہے کہ رواں سال صہیونی فورسز 220 فلسطینی شہید کر چکی ہے، ٹوئٹر پر ایسی متعدد ویڈیوز موجود ہیں جن میں اسرائیلی فوجیوں کو سڑکوں پر کم عمر نہتے فلسطینیوں کو بھی گولیاں مارتے دیکھا جا سکتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/qZebMkA