شادی کی تقریب میں خوفناک آتشزدگی، 113 سے زائد جاں بحق

عراق کے صوبے نینوا میں افسوسناک واقعہ رونما ہوا جب شادی کی تقریب کے دوران ہال میں خوفناک آگ بھڑک اُٹھی، جس کے نتیجے میں 113سے زائد افراد زندگی کی بازی ہار گئے جبکہ 150 سے زائد جھلس کر شدید زخمی ہو گئے۔

بین الاقوامی خبر رساں ادارے کی رپورٹ کے مطابق عراقی شہر ہمدانیہ میں شادی تقریب کے دوران ہال میں آتشزدگی کے وقت ایک ہزار سے زائد افراد تقریب میں موجود تھے۔

عراقی وزارت شہری دفاع کے مطابق حادثے کی ابتدائی تحقیقات کے مطابق آگ آتش بازی کے سامان سے لگی، حادثے سے متعلق مزید تحقیقات شروع کردی گئی ہیں۔

بین الاقوامی میڈیا رپورٹس میں بتایا گیا ہے کہ مقامی ڈپٹی گورنر نے حادثے میں 113 افراد کے ہلاک ہونے کی تصدیق کردی ہے، ریسکیو کا عملہ امدادی سرگرمیوں میں مصروف ہے، مزید ہلاکتوں کا خدشہ ظاہر کیا جارہا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/CUhtmLz