ہٹلر یہودیوں کو قتل نہیں کرنا چاہتا تھا، ایک مسلمان رہنما نے آمادہ کیا، اسرائیلی وزیر اعظم کی تقریر وائرل

اسرائیل کے وزیر اعظم بن یامین نیتن یاہو نے نیا پینڈورا باکس کھول دیا ہے، ان کی ایک پرانی ویڈیو سوشل میڈیا پر دوبارہ وائرل ہو گئی ہے۔

تفصیلات کے مطابق ایک ایسے وقت میں جب صہیونیوں کی جانب سے فلسطین کے حق میں لکھنے والوں کو ’جہادی‘ قرار دیا جا رہا ہے، سوشل میڈیا پر 2015 کی ایک کلپ کو دوبارہ شیئر کیا جانے لگا ہے، اور یہ ویڈیو وائرل ہو گئی ہے۔

اس ویڈیو میں صہیونی وزیر اعظم نیتن یاہو فلسطینیوں، عربوں اور مسلمانوں کے خلاف اپنی نفرت کا اظہار کرنے کے لیے اتنے بے چین تھے کہ انھوں نے یہودیوں کے بدترین قاتل اڈولف ہٹلر کا بھی دفاع کیا۔

ایک تقریب سے خطاب میں انھوں نے کہا تھا کہ ہٹلر یہودیوں کو قتل نہیں کرنا چاہتا تھا، ایک مسلمان رہنما مفتی حاجی امین الحسینی نے ہٹلر کو یہودیوں کے قتل پر آمادہ کیا، ہٹلر یہودیوں کو جرمنی سے بے دخل کرنا چاہتا تھا لیکن حاجی امیر نے کہا ان کو زندہ جلا دو ورنہ یہ واپس آ جائیں گے۔

Resharing this clip from 2015, especially as Zionists called a gathering of writers “Jihadi.” Here Zionist chief killer Netanyahu was so desperate to demonize the Palestinians, Arabs, and Muslims that he resorted to DEFENDING Hitler. pic.twitter.com/j9jhJRPI38

— Laura Albast لورا البسط (@Lau_Bast) September 27, 2023

20 اکتوبر 2015 کو یروشلم میں عالمی صہیونی کانگریس کے سامنے ایک تقریر میں نازی حکمران نیتن یاہو نے دعویٰ کیا کہ یروشلم کے مفتی حاج امین الحسینی ہی تھے جنھوں نے ایڈولف ہٹلر کے ذہن میں یورپی یہودیوں کے خاتمے کا خیال ڈالا تھا، ورنہ یہودیوں کو قتل کرنے کا کوئی ارادہ نہیں تھا بلکہ صرف انھیں نکال باہر کرنا تھا۔

نیتن یاہو نے نومبر 1941 میں حسینی اور ہٹلر کے درمیان ہونے والی ملاقات کے حوالے سے کہا ’’ہٹلر اس وقت یہودیوں کو ختم نہیں کرنا چاہتا تھا، وہ یہودیوں کو نکالنا چاہتا تھا، اور حاج امین الحسینی ہٹلر کے پاس گئے اور کہا اگر تم انھیں نکال دو تو وہ سب یہاں (فلسطین) آ جائیں گے۔‘‘ نیتن یاہو کے مطابق، ہٹلر نے پوچھا ’’میں ان کے ساتھ کیا کروں؟‘‘ مفتی نے جواب دیا ’’انہیں جلا دو۔‘‘

from عالمی خبریں Archives - ARYNews.tv | Urdu - Har Lamha Bakhabar https://ift.tt/lfz30XU