فیرس وہیل میں لڑکی کے بال پھنس گئے، درد ناک ویڈیو
بھارتی ریاست گجرات میں میلے کے دوران فیرس وہیل کی سواری کرتے ہوئے لڑکی کے بال اس میں پھنس گئے، منظر دیکھ کر وہاں موجود ہر کسی کا دل دہل گیا۔
بین الاقوامی خبر رساں ادارے کی رپورٹ کے مطابق بھارتی ریاست گجرات میں ایک میلے میں فیرس وہیل کی سواری کے دوران لڑکی کے بال اس میں پھنس گئے، لڑکی کے چیخنے پر ہنگامی بنیادوں پر فیرس وہیل کو روکا گیا۔
سامنے آنے والی ویڈیو میں دیکھاجاسکتا ہے کہ فیرس وہیل پر چند افراد لڑکی کو اس مشکل سے نجات دلانے کی کوشش کررہے ہیں، انہوں نے چاقو کی مدد سے لڑکی کے پھنسے ہوئے بالوں کو کاٹ دیا۔ جبکہ لڑکی درد سے چیخ رہی تھی۔
اس ویڈیو کو 23 ملین سے زیادہ بار دیکھا گیا ہے، اس دوران فیرس وہیل کے نیچے موجود لوگ یہ منظر دیکھ کر خوفزدہ ہوگئے، دو بہادر افراد لڑکی کو اس مشکل سے چھڑانے کی کوشش میں وہیل کے اوپر چڑھ گئے، شروع میں انہوں نے اس کے بالوں کو پہیے سے نکالنے کی کوشش کی لیکن جب یہ ناکام ثابت ہوا تو انہوں نے اس کے بالوں کو چاقو سے کاٹ دیا۔
اس واقعے کی ویڈیو نے دیکھنے والوں میں صدمے اور تشویش کو جنم دیا ہے، بہت سے لوگوں نے ایسی سواریوں سے لطف اندوز ہونے کے دوران حفاظتی احتیاطی تدابیر کی اہمیت پر زور دیا۔
بہت سی خواتین کا کہنا تھا کہ اب وہ اسی طرح کی سواریوں کے دوران اپنے بالوں کو کھلا چھوڑنے کے بارے میں زیادہ محتاط رہیں گی۔ اس واقعے کی وجہ سے ہندوستان بھر کے تفریحی پارکوں میں سخت حفاظتی ضوابط کا مطالبہ سامنے آیا ہے۔
from عالمی خبریں Archives - ARYNews.tv | Urdu - Har Lamha Bakhabar https://ift.tt/7BzoXMr
No comments