برطانیہ میں نئی کاروں کی فروخت پر پابندی میں تاخیر کا اعلان

لندن : برطانوی حکومت نے پیٹرول اور ڈیزل کی نئی کاروں کی فروخت پر پابندی میں 5 سال کی تاخیر کا اعلان کیا ہے۔

یہ بات برطانوی وزیراعظم رشی سونک نے ڈاؤئنگ اسٹریٹ میں قوم سے خطاب کرتے ہوئے کہی، ان کا کہنا تھا کہ پیٹرول اور ڈیزل سے چلنے والی کاریں اب 2030 کے بجائے 2035 میں فروخت ہوسکیں گی۔

غیرملکی خبر رساں ادارے کی رپورٹ کے مطابق انہوں نے کہا کہ سال 2035 کے بعد بھی پیٹرول، ڈیزل سے چلنے والی سیکنڈ ہینڈ کاروں کی خرید و فروخت ممکن ہوگی جبکہ ٹیکنالوجی میں پیش رفت کے سبب 2030 تک بیشتر کاریں الیکٹرک نظام کے تحت ہوں گی۔

رشی سونک کا کہنا تھا کہ نئی پالیسی برطانیہ کو دیگر یورپی ممالک سے ہم آہنگ کرے گی۔ گیس بوائلر کی جگہ ہیٹ پمپس کی تنصیب کیلئے بھی مزید وقت درکار ہوگا۔

رشی سونک نے کہا کہ 2035 کے بعد بوائلر تبدیل کرتے وقت ہیٹ پمپ لگواسکیں گے۔ بوائلر اپ گریڈ اسکیم کے تحت گرانٹ 50 فیصد بڑھا کر ساڑھے 7 ہزار پاؤنڈ کی جائے گی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/SgZF7MD