’امریکا کا اسرائیل سے متعلق اہم اقدام‘

امریکا نے اسرائیل کو ویزا فری ممالک کی فہرست میں شامل کرکے بڑی سہولت سے دیدی، امریکا کی جانب سے مذکورہ فیصلہ سامنے آنے کے بعد اب اسرائیلی شہری امریکا میں بغیر ویزا نقل و حرکت کرسکیں گے۔

بین الاقوامی خبر رساں ادارے کی رپورٹ میں کہا گیا ہے کہ اسرائیلی شہریوں کا امریکا میں ویزوں کے بغیر داخلہ 30 نومبر سے شروع ہو جائے گا۔

امریکی فیصلے کا خیرمقدم کرتے ہوئے اسرائیلی وزیراعظم بن یامین نیتن یاہو کا کہنا تھا کہ امریکی اقدام پر صدر بائیڈن کا شکریہ ادا کرتے ہیں، امریکی اقدام سے اسرائیل، امریکا تعلقات مزید بہتری کی جانب گامزن ہوں گے۔

امریکی وزیر خارجہ کا فیصلے سے متعلق کہنا تھا کہ اس اقدام سے اسرائیل میں امریکیوں کو بھی آزاد نقل و حرکت کا موقع میسر آئے گا، جبکہ اسرائیلیوں کیلئے ویزہ فری سفر کا اقدام اسرائیل سے اسٹریٹجک شراکت داری کا حصہ ہے۔

امریکی وزیرخارجہ بلنکن نے حوالے سے بات کرتے ہوئے کہا کہ اس فیصلے سے خاص طور پر فلسطینی علاقوں میں رہنے والے امریکی شہری مستفید ہوسکیں گے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/tID9hOp