’کویت میں دل دہلا دینے والا واقعہ‘

کویت کے علاقے العمریہ میں ایک افسوس واقعہ پیش آیا، جس کے سبب علاقے میں سوگ کی فضا پیدا ہوگئی۔

بین الاقوامی خبر رساں ادارے کی رپورٹ کے مطابق 20سالہ خاتون کو اس کے شوہر نے بے رحمی سے قتل کردیا، تاہم پولیس نے فوری کارروائی کرتے ہوئے ملزم کو حراست میں لے لیا۔

پبلک پراسیکیوشن کی جانب سے حکم دیا گیا تھا کہ گھر کے اندر بجلی کی تار سے اپنی عرب بیوی کو قتل کرنے والے شوہر کو فوری گرفتار کیا جائے۔

پبلک پراسیکیوشن کی جانب سے وقوعہ پر اپنی ٹیمیں روانہ کی گئیں اور فارنسک میڈیسن ڈپارٹمنٹ کو شامل کرکے واقعہ کا تیزی سے جواب دیا گیا۔ مقتولہ کے شوہر نے اعتراف جرم کرلیا ہے۔

ملزم نے فرار ہونے کی کوشش کی لیکن العمریہ کے علاقے میں غیر معمولی حالت میں پولیس کی متعدد گاڑیوں سے ٹکرانے کے بعد پولیس نے ملزم کو گرفتار کرلیا۔

اطلاعات سامنے آرہی ہیں کہ خاتون کو فوری طور پر فروانیہ اسپتال منتقل کیا گیا اور ڈاکٹروں کی جانب سے اس کی زندگی بچانے کی بھرپور کوششیں کی گئیں، لیکن خاتون زندگی کی بازی ہار گئی۔

یاد رہے کہ چند روز قبل العمریہ کے ہی علاقے میں ایک بھارتی شہریت کے حامل شخص نے اپنی فلپائنی گرل فرینڈ کو قتل کر نے کے بعد اپنی زندگی کا خاتمہ کرلیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/p72GKXV