روس نے امریکی خلائی تنصیبات کو تباہ کرنے کی دھمکی دے دی

ماسکو : روس نے امریکا کو خبردار کیا ہے کہ اگر مغربی خلائی سیٹلائٹس کو یوکرین افواج کی امداد کیلے استعمال کیا گیا تو خلا میں ان کو بھی تباہ کیا جاسکتا ہے۔

روسی وزارت خارجہ نے خبردار کیا کہ یوکرین کی افواج کی مدد کے لیے استعمال کیے جانے والے مغربی خلائی سیٹلائٹس روسی حملوں کے لیے جائز اہداف بن سکتے ہیں۔

ماسکو میں نامہ نگاروں سے بات کرتے ہوئے روسی وزارت خارجہ کے ڈائریکٹر برائے عدم پھیلاؤ اور ہتھیاروں کے کنٹرول، ولادیمیر ایرماکوف نے دعویٰ کیا کہ امریکہ اور اس کے اتحادی یوکرین کی ان طریقوں سے مدد کر رہے ہیں جو کہ خلائی ٹیکنالوجی کے بے ضرر استعمال سے یوکرینی افواج کو روس کی شہری آبادی پر حملوں میں مدد دے رہی ہے۔

انہوں نے خبردار کرتے ہوئے کہا کہ امریکہ اور اس کے اتحادی اس بات سے نابلد ہیں کہ یہ عمل خلا میں تصادم کا سبب بنے گا اور امریکی خلائی تنصیبات کو روس کا جائز ہدف بنا دے گا۔

واضح رہے امریکی تجارتی سیٹلائٹ امیجری سروسز کے لیے فنڈنگ ​​مئی میں منظور شدہ یوکرین کے لیے 1.2 بلین امریکی فوجی امدادی پیکج میں شامل تھی۔ تجارتی سیٹلائٹس سے حاصل کردہ تصاویر کے بارے میں خیال کیا جاتا ہے کہ اسے یوکرین نے گزشتہ ماہ کریمیا کے روسی شہر سیواستوپول پر میزائل حملوں کے لیے استعمال کیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/5gBYFW1