فن لینڈ نے ملک میں آنے والے پناہ گزینوں کیخلاف کارروائی کا فیصلہ کرلیا

روس کے ذریعے فن لینڈ میں داخل ہونے والے پناہ کے متلاشی لوگوں کی آمد میں اضافے کے بعد حکام نے کارروائی کرنے کا فیصلہ کیا ہے۔

فن لینڈ میں روس کی سرحدی گزرگاہ کے ذریعے پسماندہ ممالک سے پناہ گزینوں کی آمد کا سلسلہ جاری ہے، گزشتہ ہفتوں کے دوران اس میں اضافہ دیکھنے میں آیا ہے۔ فن لینڈ کے وزیر داخلہ کا کہنا ہے کہ اس صورتحال سے نمٹنے کے لیے’کارروائی‘ کرنے کی تیاری کررہے ہیں۔

وزیر داخلہ ماری رانٹینن نے میڈیا کو بتایا کہ تھوڑے ہی عرصے پناہ گزینوں کی تعداد میں نمایاں اضافہ ہوا ہے۔ روسی حکام نے دستاویزات کی کمی کے باوجود فن لینڈ کے لیے سفر کی اجازت دینے کا طریقہ کار تبدیل کر دیا ہے جب کہ اس طرح کا داخلہ غیر قانونی ہے۔

فن لینڈ کی سرحدی محافظ اتھارٹی کا کہنا تھا کہ اس ہفتے تقریباً 60 پناہ گزین روس سے یہاں پہنچ چکے ہیں۔ اتھارٹی کے مطابق یکم اگست سے 12 نومبر تک مطلوبہ دستاویزات کے بغیر پہنچنے والے افراد کی تعداد 91 ہوچکی ہے۔

رانٹینن نے کہا کہ وزارت داخلہ اس سلسلے میں ایک تجویز تیار کرے گی جس کے تحت حکام کو سرحد پر آمد و رفت محدود کرنے یا کچھ کراسنگ پوائنٹس کو بند کرنے کی اجازت دی جاسکتی ہے۔

فن لینڈ جو کہ نیٹو کا رکن بھی ہے اس کی روس کے ساتھ ایک ہزار 340 کلومیٹر (833 میل) کی طویل سرحد واقع ہے جو کہ یورپی یونین کی بیرونی سرحد بھی سمجھی جاتی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/kVPyNHd