اسرائیل نے غزہ میں کس کو اسامہ بن لادن مان لیا؟

اسرائیلی وزیر دفاع نے غزہ میں حماس کے اعلیٰ عہدیدار کو ’نیا بن لادن‘ قرار دے دیا۔

وزیردفاع یوو گلینٹ غزہ میں اسرائیل کے فوجی حملے کو امریکا سے دہشتگردی کے خلاف جنگ قرار دینے کے مطالبہ کرنے والے ایک اور اسرائیلی اہلکار بن گئے ہیں۔

ایک سوشل میڈیا پوسٹ میں، اسرائیلی وزیر دفاع نے غزہ میں حماس کے اعلیٰ عہدیدار، یحییٰ سنوار کا موازنہ القاعدہ کے سابق رہنما اسامہ بن لادن سے کیا جنہیں 11 ستمبر 2001 کو امریکا پر حملوں کا ماسٹر مائنڈ قرار دیا گیا۔

گیلنٹ نے فرانس کے مسلح افواج کے وزیر سیبسٹین لیکورنو سے ملاقات کے بعد X پر پوسٹ کیا۔ وزیردفاع نے کہا کہ یحییٰ سنوار نیا بن لادن ہے ہم اسے ڈھونڈ نکالیں گے، اور ہم فتح حاصل کریں گے۔

یحییٰ سنوار کے بارے میں کہا جاتا ہے کہ وہ غزہ میں حماس کے لیڈر ہیں اور پورے غزہ میں تنظیم کا منظم نظام چلاتے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/rmwsRPN